HUGOT nga gikondena sa kasundalohan ang pagpangatake nga gihimo sa New People's Army (NPA) batok sa mga kasundalohan nga miuban lamang sa mga foreign observer niadtong adlawng Huwebes, Mayo 30, 2019, sa Sitio Nasandigan, Brgy Kalabugao, Impasug-ong, Bukidnon.
Moabot ngadto sa 10 ka mga biktima ang samdan dihang gipabuthan og personnel mine ang convoy nga sakyanan sa mga foreign nationals ug local volunteers paingon sa dapit.
Pito ka mga sundalo ang samaran ug dihang nibalos og pagpaarak sa ilang mga armas ang sundalo tulo sa walhong grupo ang samaran.
Ang mga langyaw nagikan pa sa IP communities sa Vietnam, Myanmar, Indonesia ug Malaysia ang midangat sa nasod paingon dinha sa Mintapod, Brgy Hagpa, Impasugong, Bukidnon aron unta moobserbar sa kinabuhi sa IP nga mao ang Higaonon Amamag Malandang Olandok Gagaw (HAMOG), usa ka non-government organization nga nagpalambo sa cultural preservation sa lugar.
Ang grupo maghimo sab unta og forest visitation alang sa “PAUNLAY TA AGHIMICU” (forest visitation phase II) diin nihangyo sila nga magpatabang sa mga sundalo alang sa ilang seguridad.
"We thought a tire exploded, then we heard burst of fire, somebody shouted duck," matud sa usa ka foreigner.
"We were afraid but we are very thankful to Filipino soldiers for providing us protection," dugang niini.
Nadiskubre sa tropa ang duha ka mga anti personnel mine nga wala pa mibuto.
Hugot nga gikondena sa kasundohan ang pagpangatake ug karon padayon ang ilang operasyon pagukod sa mga walhong grupo.
Niadtong adlawa ra usab mibalik sa Laguindingan Airport ang mga langyaw alang sa ilang sunod nga lakaw.