Donaire-Inoue fight dunay matikangkang

SA PANAHOM ni International Boxing Federation (IBF) Jerwin Ancajas, adunay malukapa sa panagharong nila ni Nonito “Filipino Flash” Donaire ug Japanese Naoya Inoue nga ipahigayon sa ulahing bahin ning tuiga.

Alang kang Ancajas, balanse ang abilidad nila ni Donaire ug Inoue hinungdan nga dili siya makahatag og prediksyon kon kinsa ang matikangkang.

Si Ancajas bag-uhay lang miadto sa Macau diin iyang gidawat ang labing taas nga pasidungog sa International Boxing Federation (IBF) nga mao ang Jersey Joe Walcott Award.

Gikahimamat sa personal ni Ancajas si Inoue sa Macau.

“Fifty-fifty, ang laban na ‘yan sir,” matod ni Ancajas.

Si Donaire, kinsa maoy World Boxing Association “super” bantamweight champion, ug Inoue, kinsa maoy IBF bantamweight king, magsangka sa finals sa World Boxing Super Series.

Si Inoue nakalista unta sa posibleng makontra ni Ancajas apan mibiya kini sa super flyweight nga timbang aron mosaka sa bantamweight. (ESL)