Japanese diver gitabang

USA ka Japanese diver ang gipangita ug gitabang dihang wala na makatunga sa ilang scuba diving sa lawod sa Nalusoan Island, dakbayan sa Lapu-Lapu kagahapon, Hunyo 2, alas 11:00 sa buntag.

Si Andy Berame sa City Disaster Risk Reduction Management Office (CDRRMO) sa Lapu-Lapu nga ang Japanese national nga gibanabana nga 30 anyos wala motunga human sa kapin sa usa ka oras hinungdan nga gipangita sa kaubang divers ug mga sakop sa CDRRMO.

Ang Japanese national mao si Takomi Shiraeze, tag-iya sa Aquarius Dive Shop sa Tonggo Beach, Barangay Marigondon, Lapu-Lapu.

Dihang nakit-an kini sa ilawom sa dagat, daling gihaw-as sa mga rescuer, gisakay sa pumpboat padulong sa mainland sa isla sa Mactan ug gidala sa usa ka pribadong ospital.

Atol ning pagsuwat, wala pa masayri ang kahimtang sa naasoy nga Japanese national.

Si Berame nagkanayon nga duha ang ilang gisusi sa hinungdan sa hitabo, posibleng nahutdan og oxygen ang iyang tangke ug ang kahimtang sa paglawas niini. (FVQ)