HUMAN na ang politika. Karon ato nausab atubangon ang nag-unang mga problema sa atong katilingban nga maoy suliran sa atong patubig dili lamang dinhi sa atong siyudad sa Davao, apan sa bisan asang dapit sa atong nasud.
Kung inyong hinumdoman atol sa kampanya niadtong milabay nga eleksiyon, gihimong isyu sa oposisyon ang pagkawala sa tubig sa Metro Manila, makaduda kay gi-atol gyud sa piniliay.
Ang Alaska usa ka estado sa America nga ilang gipalit sa nasud Russia sa milabay nga daghang katuigan, nakit-an ang halapad nga glaciers sa mga batohong bukid sa naasoyn’g lugar.
Ang glaciers nakit-an sad sa ubang dapit o lugar sa atong planeta, sama, sa north ug south poles, labihang katugnaw ning dapita tungod sa glaciers sumala pa, ice o yellow kini, napa-iladman sa snow nga kasagaran 15 feet ang giladmon.
Kon tubig ang pagahisgutan, nasayud ba mo nga 97 porsiento sa tubig sa planetang Earth gilangkuban sa parat nga tubig gikan sa kadagatan?
Ang sunod nga pinakadakong porsiento sa tubig nagikan sa glaciers ug ice nga anaa sa 215% sa kinatibuk-ang tubig sa atong planeta.
Ug gigamayan ba mo niana? Basig makugang mo nga ang ground waters nga anaa sa aquifers ilawon sa yuta maoy ikatulo, apan 0 60% lamang ang katubigan niining atong planeta.
Ang Davao City Water District (DCWD) magkuhaan og tubig ilimnon alang sa mga konsumante sa ground water sa aquifers sa Dumoy Toril, Tugbok ug Calinan.
Abi ninyo ang nakaparat lang sa mga proyektong patubig sa atong gobyerno, sakyan gyud og politika, kay gustong manguwarta. Ang kakulang sa patubig didto sa Laguna Lake, gisakyan og pamolitika sa Otso Diretso.
Dinhi pod sa ato, duna po’y usa ka organisasyon nga naniid og ilang dauton kay gustong manguwarta diha sa pagsugod sa mga proyekto sa DCWD nga nakigkontrata sa Apo Agua Infrastractura, Inc.
Kinahanglan atimanon dayon kini sa atong bag-ong nalipi nga miyembro sa konseho sa milabayen’g eleksyon, inubanan sa kakugihan sa atong Mayor Inday Sara Duterte.
Problema sa patubig kon mahimo dili nato sagul sagulan og politika aron dili madaut tungod kay labaw kining gikinahanglan sa katawhan tungod kay mao kini ang atong kinabuhi.