ANG paningkamot sa mga magtutudlo ug mga ginikanan sa Vicente Hizon Sr. Elementary School sa Barangay Pampanga, Dakbayan sa Davao, maoy hinungdan nga andam na ang tanan alang sa pag-abli sa klase sa School Year 2019-2020.
Sa unang adlaw sa Brigada Eskwela ning tuiga, gatusan ka mga stakeholders ang misalmot sa kalihukan aron maandam ang eskwelahan alang sa pagtungha sa ilang mga anak.
Mitabang sab si Davao Second District Representative-elect Vincent Garcia sa pagmamutang og tarpaulin, butang nga gipasalamatan sa mga magtutudlo ug stakeholders.
Gawas kaniya, nitambong sab ang mga sakop sa 1105th RMFB Company Batallion nga maoy nanguna sa gihimong flag raising ceremony.
Ang aktibidad nahimong kompleto tungod sa presensya sa nailhang supportive nga Department of Education district supervisor Julie Yarso ug ang maanyag ug kugihan nga principal, Ana liza Pacoy-Abayon, nga maoy migiya sa mga nitambong sa Brigada Eskwela.
Gawas sa pagpanglimpyo, nag-zumba sab ang mga magtutudlo, misalmot sab sa earthquake drill nga gipahigayon. (Istorya pinaambit ni Juliet Rabelista-Fernando)