PADAYON ang pag-validate sa City Social Services and Development Office sa mga pamilya nga nasunogan sa Phase 3-A, New Society Village, Barangay Ilang, Bunawan District, Davao City, alas 6 sa buntag, Domingo, Hunyo 2, tuig 2019.
Sumala ni Senior Fire Officer 3 Ramil Gillado, ang hepe sa Intelligence and Investigation Section sa Davao City Fire District, nga nagsugod ang kalayo sa panimalay nga gipanag-iyahan ni Josephine Lamoste.
Sa inisyal nga imbestigasyon migula nga tungod sa electrical arcing ang hinungdan nga mikanit kini sa kasikbit nga mga panimalay nga gama lang sab sa light materials.
Mokabat kapin kun kulang P900,000 ang danyos sa maong sunog diin alas 8:50 na sa buntag gideklara nga fire out ang maong sunog.
Walay nakabsan nga kinabuhi sa maong hitabo.