TALACOGON, Agusan del Sur -- Gitouhang notoryos nga hitman nga sakop sa New People's Army (NPA) ang napatay sa binakbakay tali tropa sa kasundalohan niadtong Mayo 30 sa Talacogon, Agusan del Sur.
Si Joeboy Mantipala, alyas Bernabe, 28, ang napatay dihang nakigpinusilay kini sa mga sundalo ug kapolisan uban ang mga kauban niini sa Barangay Marbon sa susamang lungsod.
Nakaangkon kini og nagkadaiyang pinusilan sa lawas ug human sa insidente, dali sab kining gidala sa Talacogon District Hospital apan gideklarar nga dead on arrival sa mga doktor.
Si Mantipala ang gitag nga giingong usa sa killer ni Felipe Amado, usa ka Cafgu Active Auxiliary nga niloug nga gipatay sa Barangay Lydia, San Luis niadtong May 30.
Unang nareport dinhi sa SunStar Superbalita nga si Amado off-duty niadtong tungora og mopartisipar unta sa Birgada Eskwela dihang gipatay sa giingong sa grupo ni Mantipala.
Giingong si Mantipala mao ang vice commanding officer sa Platoon Banglas, Guerilla Front 88 sa NPA's North Eastern Mindanao Regional Committee.
Positibo kining naila sa mga residente rason nga gilusad sa kapolisan ang man hunt operation batok niini ug mga kauban.
Gitumbok sab kining nagpatay ni Rubencio Salamoren, kapitan sa Barangay San Pedro, San Luis kinsa gipatay kini niadtong February 27 samtang nagmaneho sa motorsiklo niini.
"We have received reports of the NPA's plan to attack government personnel, including soldiers and policemen. Unfortunately for them, we have the support of the people now that is why we were able to track down Mantipala easily," matud ni Lieutenant Colonel Romeo Jimenea, ang commanding officer sa 26th Infantry Battalion.
Narekober sa area ang pistola nga kalibre 45, duha ka mga magazine nga adunay pito ka buhing bala ug usa ka motorsiklo.