ANG Deftac Davao mipauli og pito ka bulawan ug usa ka silver sa Asia Pacific Jiu Jitsu Championship 2019 nga gihimo sa Robinsons Galleria Cebu sa nakalabay nga weekend.
Si Dr. Jonathan Narisma, resident physician sa Davao Medical School Foundation Hospital (DMSFH), nanguna sa Davao City team uban ang duha ka gold sa purple belt masters 2 middleweight nogi ug masters 2 Gi middleweight categories.
“Deftac Davao team has once again brought pride to Davao City,” ni Narisma.
Gipildi niya si Marvin Martillano sa Rizal Martial Arts Center sa purple belt masters 2 middleweight nogi championship match dayon unopposed siya sa masters 2 Gi middleweight.
Si Richard Romero, sa iyang parte, miangkon og duha ka gold gipildi si John Capuyan sa Ormoc Jiu Jitsu team sa white belt adult featherweight nogi titular showdown samtang gipildi niya si Jannel Mangubat sa90/Eight BJJ sa adult Gi featherweight division finals.
Si Francis de Guzman, mipildi ni Daryl Mokaraka sa Barbosa Jiu Jitsu alang sa purple belt masters 2 lightweight nogi gold apan miangkon siya og silver sa Masters 1 Gi lightweight human mapildi kang Ferdinand Salonga of Atos.
Si Jam Peralta (blue belt adult light featherweight nogi) ug Adonis Vidanes (blue belt adult rooster Gi) mitampo sab og tag-usa ka goal.
Si Narisma nagdugang, “Humakot din kami ng medals last year although mas konti lang kami ngayon na competitors as compared last year.”
Ang 2018 edition sa tinuig nga aktibidad ang gihimo usab sa Cebu.
Ang newbie nga si Inessa Camomot, napakyas sa pagkuha og medalya human sayo siyang na-eliminate.
Ang Deftac Davao gigiyahan nila coach Miko Aquino, Dwight Tallo ug Jan Hao.