SA LABING unang higayon, gihimo sa Department of Environment and Natural Resources (DENR) 7 ang “Palit Basura Booth” sa buhatan niini sa Eco-tech Center, Sudlon, Barangay Lahug dakbayan sa Sugbo.
Ang maong kalihokan lakip kini sa selebrasyon sa ahensiya sa Philippine Environment Month 2019 diin gipahigayon niadtong Hunyo 3, Lunes.
Matod ni DENR 7 regional executive director Gilbert Gonzales nga ang konsepto niini gisunod na sa pipila ka local government units (LGUs) sa nasod.
Kini aron pagtudlo ug pagdasig sa publiko nga maanad kini pag-segregate sa mga basura niini ingon man sa pagminus sa basura sa pamaagi nga bayloan kini og butang nga magamit sa publiko.
“Through the Palit Basura Store, residents may use their collected trash to pay for commodities like rice, shampoo, noodles, and canned goods. Students may also use collected trash like paper, tin cans, plastic bottles and electronic wastes to trade for school supplies,” si Gonzales nagkanayon.
Gidasig usab sa direktor ang LGUs sa Central Visayas nga magtukod kini og ilahang kaugalingon nga Palit Basura Stores aron mapalig-on pa ang solid waste management programs.
Sa kinatibuk-an nakakolekta ang maong booth og 100 kilos nga mga plastik diin sagad niini mga plastic bottles, 30 ka kilo sa ginamit nga papel lakip ang newspaper, 10 ka kilos sa tin can ug usa kaI sa electronic wastes susama sa washing machine, computer parts, printers, ug ubang electronic devices.
Ang mga nakolekta sa DENR 7 nga mga recyclable nga basura gibaligya usab kini nila sa ilahang partner junk shops. (HBL)