SECTIONS
Tuesday, September 17, 2019
SUPERBALITA CEBU

Sinas mibahad sa pulis

DIRECTOR sa Police Regional Office 7 subling nibahad sa mga pulis nga gustong mo-investment sa Kappa kun Kabus Padatuon- Community Ministry International, nga iyang parelibohan ug imbargohan sa ilang armas.

Nakadawat na usab og impormasyon si Police Brigadier General Debold Sinas nga miabot na sa 10,000 ang ni-invest sa Kappa sulod sa tulo ka semana nilang operation.

Kasagaran sa mga target mga magtutudlo, pulis, taga Bureau of Jail Management and Penology (BJMP) ug Bureau of Fire Protection (BFP).

Aduna nay daghan ang nakapundo og dagkong kantidad, nagkanayon si Sinas.

Nibahad siya sa iyang mga sakop nga kon nakabutang kinig puhonan, parelibohan niya sa katungdanan ug paimbargohan og armas.

“Ako na gi coordinate ang BJMP 7 ug BFP nga tan-awon nila ang ilang mga tawo kay among namatikdan ang ilang mga tawo ang unang nanulod. Karon akon gipangbantayan ang among sakop, kon naa moy maitudlo nga mga pulis nag-invest didto, automatic relieved, dis-armahan,” sigun ni Sinas.

Niadtong Sabado, Hunyo 1, nakadawat og impormasyon ang PRO 7 nga ang opisina sa Kapa sa sitio Hika, Barangay Poblacion, lungsod sa Compostela, gigwardyahan og duha ka armado gikan sa usa ka security agency.

Dali nga gipasusi ni Sinas sa Civil Security Unit sa Central Visayas. Nasuta nga way lisensya ang ilang tag-as nga kalibre sa armas sama sa shotgun ug 9mm pistol hinungdan nga gipaimbargo kini ug gidakop ang gwardya sa kalapasan sa Commission on Elections (Comelec) gun ban.

Ang nangadakpan giila nga silang Dexter Tagono Cuyos, 24, taga San Jose, Catmon Cebu ug Robert Gabayan Padayogdog, 31, taga sitio Polo, Barangay Baliwagan, Balamban.

“Among gipaadtoan. Na-found out nga walay mga lisensya ilang mga armas. Walay mga permit nya election period pa. So, gipangdakop sila,” matod ni Sinas.

Sa nakuha nga kasayuran ni Sinas, ang kwarta nga makuha sa Kappa dinhi sa Central Visayas dalhon sa Mindanao aron ibayad sa mga naka-invest didto.

“Naay special directives kining Kappa kasi mao ni agresibo kaayo sa tanang pyramiding scheme kay didto sa Mindanao grabe didto sila. Now, kon mosulod na sila dinhi, ang investment dinhi dad-on na sa Mindanao. Mao nay pangbayad nila didto,” dugang ni Sinas.

Pangdaut ra

Usa sa mga naka invest sa Kapa nga gitago lang sa ngalan nga Rhandy, 49, taga siyudad sa Lapu-Lapu, nanalipod sa mga pangdaot nga gilabay batok sa religious corporation.

Kay alang niya usa ka lihitimo ang Kappa- Community Ministry International diin ang mga kabus mahimong makabaton og daghang kwarta.

Matod niya, di investment kay donation sa ministry sa founder ug mabalik sa nagdonar ang 30 percent nga tubu sa iyang gihatag nga kinatibok-ang kantidad.

Si Rhandy naka donar nag P100,000. Gipapili siya kon magbinuwan ba ang iyang pagkuha sa tubo kun love gift sa iyang kwarta.

Iyang nadesisyonan nga iyang kuhaon ang tubo inig abot sa usa ka tuig nga mokabat na sa P1.3 million.

“Didto sa Davao ang akong mga kauban didto, kon maka donate nakag P100,000, hatagan nakag sakyanan nga SUV kay ipa deduct na lang sa imong monthly,”matod ni Rhandy.

Iyang giangkon nga risgo ang maong matang sa investment sanglit donation ang nakabutang sa papel nga iyang gi fill upon.

Giisip niyang sugal ang iyang pagbutang sa P100,000 apan dako siyag pagsalig nga maka payout siya sa gisaad nga P1.3 Million.

Nagsugod siya sa Kappa niadtong Abril.

Gani daghan siya og nakauban nga mga pulis nga nadestino sa Central Visayas.

Wa na siya masurpresa nga adunay maningoha nga mahunong ang investment sa Kapa tungod kay daghan ang mangigi sama sa kontra niini.

“Ang nangasuko ana kana ra sad karibal anang Kappa, kay sukad pagsugod ana, wala may reklamo. Kato ra man wala mangapil maoy siging paghut, kami ganahan man,” matod ni Rhandy.

Nakig alayon ang PRO 7 sa Securities and Exchange Commission (SEC) nunot sa cease and desist order sa Kappa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph