Pipila ka NPA sunod-sunod nga misurender

SUNOD-SUNOD ang pagsurender sa pipila ka mga sakop sa New People’s Army (NPA) balik sa sabakan sa gobyerno karong panahona.

Ang kanhi commander sa NPA uban iyang asawa ug laing tulo ang unang mitahan sa pwersa sa kasundalohan niadtong Mayo 31, 2019 sa Barangay Poblacion, Loreto, Agusan del Sur.

Si Javier ug iyang asawa nga si Ann, usa ka squad political officer, supply officers nga sila si Ricky ug Yaw, ug team leader nga James ang mitahan sa Philippine Army’s 26th Infantry Battalion.

Ang lima pulos sakop sa Guerilla Front 34 sa Communist Party in the Philippines-NPA’s Southern Mindanao Regional Committee nga giingong ga operate sa Caraga region ug Compostela Valley Province. Bitbit nila ilang 2 kalibre sa .30 Carbine Rifles nga adunay tulo ka magazines, usa ka .30 sub-machine gun ug KG9 sub-machine gun, duha ka shotguns, ug caliber .45 lakip Anti-Personnel Mine.

“Gusto nako bisitahon akong mga anak, pero among mga labaw dili musugot, bisan kahibalo sila na kinahanglan nako atimanon ang akong anak nga naay sakit, ug ang ilang mga saad nga suporta para kanamo, wala matuman, ilabi na gyud pagka-hospital sakong anak, wala silay gihatag bisan piso. Dili gud sila uyon sa pamilya,” matud sa asawa.

Samtang usa sab ka Dante Bihiga Abocejo, 26, taga Barangay Sto. Rosario, Bacuag, Surigao del Norte uban sa iyang mga armas ang boluntaryong mitahan sa 30IB troops nga nipahigayon og Community Support Program sa Barangay Cambuayon.

“Gipatay nila ang akong usa ka kauban, nahadlok ko basin ako ilang isunod mao nga misurender ko,” matud niini.

Si Liutenant Colonel Romeo Jimenea, ang 26th IB Commander, niingon nga miyembro kini sa sila sa daw giingong bakak nga pasangil sa walhong grupo.

Ang sunod sunod sab nga pagpanurender sa walhong grupo nahisubay dihang ang Municipal Peace and Order Council, ug Manobo Tribal leaders mideklarar kanila nga persona non grata.

Basi sa record nga gikan sa bulan sa Enero moabot na ngadto sa 151 ka mga NPA gikan sa Agusan del Sur ang misurender ug mibalik sa gobyerno samtang 50 ka mga armas ang nasakmit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph