SECTIONS
Thursday, July 18, 2019
SUPERBALITA CAGAYAN DE ORO

194 ka pamilya nasunogan sa Iligan City

GIAPOD-APORAN og nagkadaiyang tabang ang mga nasunogan sa Barangay Ubaldo Laya, Siyudad sa Iligan, Lanao del Norte.

Sa final disaster report gikan sa buhatan sa City Social Welfare Development Office sa dakbayan moabot ngadto sa 194 ka pamilya ang apektado gikan sa 930 ka mga indibidwal.

Sa record adunay 96 ka mga panimalay naugdaw ug pito ang partially damaged.

Adunay moabot ngadto sa 50 ka indibidwal ang samdan ug usa ka nasakit og stroke ang nakabsan sa kinabuhi.

Atol sa sunog dalahon unta kini sa igsuon niini nga nagbitbit og anak niini, apan niingon nga unahon ang anak ug balikan lang siya apan sa pagbalik gilamoy na sa kalayo ilang panimalay.

Matud ni Kagawad Eric Torremotsa sa maong barangay nga usa kini sa pinakadakong sunog nga natigayon niaging semana sa kasaysayan sa barangay diin ang mga residente halos tapot lawas lamang ug wala nasalbar nga gamit gumikan sa kakusog sa pagkaylap sa sunog.

Naglisod sab sa pag penetrate ang mga bombero tungod kay ang lugar walay dalan sa sakyanan ug dili masud-lan.

Niadtong adlawng Lunes, Hunyo 3, 2019, nagkadaiyang ahensya sa gobyerno ang mihatod og tabang sa mga nasunogan.

Ang buhatan sa Department of Social Welfare and Development (DSWD) Northern Mindanao nag-apod apod og mga relief supplies alang sa mga biktima.

Anaa sab ang Department of Health nga nihatag og pagtagad sa mga nasamdan ug kadtong mga kabataan nga anaa sa gymanasium nagbakwit nga nakasinati sa mga sakit sakit labina nga ilang gakasinatian ang ulan ug kainit sulod sa evacuation center.

Ang National Housing Authority ang adunay gitanyag nga mga housing alang sa nasunogan nga kinahanglan aplayan sa mga biktima.

Anaa sab ang presenya ni senator-elect Christopher “Bong” Go kinsa nihupay sab sa kasakit nga gibati sa mga nasunogan. Mamatikdan ang init nga pagdawat sa mga biktima ngadto sa napiling senador.

Si Bong Go niingon nga wala paman siya pormal nga nagsugod sa pagserbisyo apan anad na siya nga moabot panahon sa mga kalamidad susama niini.

Gibutyag niini nga sa natigom nga tabang ug donasyon gikan sa mga higala ug kaila iyang gipaabot ang financial assistance nga tag P2,000 sa apektadong pamilya ug nagpakaon kini sa mga nasunogan.

Dugang niini nga mando sab ni Presidente Rodrigo Duterte ngadto sa mga ahensya nga dili pasagdan ang panginahanglan sa mga nasunogan ug i-grab ang oportunidad nga ma-avail kining 123 ka mga housing nga gitanyag sa National Housing Authority.

Gipasabot sab ni Go nga kung pormal na nga makalingkod sa senado bout niyang panghingusgan nga adunay housing ang mga mabiktima sa sunog tungod kay kini ang mas gikinahanglan sa mga biktima ug ang mga relief goods temporaryong tabang lamang.

Gipasalig sab ni Go nga mabutangan og Malasakit Center ang siyudad sa Iligan tungod kay daw iya na kining i-institunalized aron ang mga magsakit dili na magproblema diha sa pagpatambal panahon nga maadmit sa ospital.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph