GIPAHIBAWO sa Department of Energy (DOE) nga aduna’y igong supply sa kuryente ang Visayas grid alang sa mosunod nga lima ka tuig nga moabot sa 3,797 ka megawatts ang idugang sa grid.
Sa nagpadayon nga pagdugang og energy source alang sa Visayas grid, 81porsento sa mga gitanyag nga proyekto mga renewable energy og anaa sa Leyte ug Negros Islands.
Matod ni Energy Undersecretary Felix William Fuentebella nga nakasinati karon ang Visayas grid og yellow alert matag peak hours gikan sa 7:00 sa gabii ngadto na sa 9:00 sa gabii.
Apan dili kini masinati sa kadaghanan tungod kay adunay igong supply sa elektrisidad.
Adunay mga proyekto ug programa nga gipatuman sa katuyoan nga madugangan ang supply sa kuryente ug kahatagan og sulbad ang problema sa yellow alert status sa Kabisay-an nga naglakip sa gipahigayon ang Visayas Energy Investment Forum sa Sugbo nga gipangulohan sa DOE ug gitambungan sa mga investors ug nagkadaiyang power player sa Visayas niadtong Mayo 30.
Lakip na ang renewable energy power plants sa Visayas sama sa Biomass ug Solar projects sa Negros ug Cebu samtang Geothermal power plant sa Leyte ug Wind Power usab sa Aklan ug Iloilo, mobaot sa 3,071MW ang gitanyag nga energy power plants alang sa Visayas.
Samtang ang coal ug oil-driver nga power plants nga dia sa Sugbo magpuno kini og 600MW ug 125.5MW nga power supply.
Nagkinahanglan ang Visayas grid og 2,100MW matag peak hours ug kasamtangan nga anaa sa 2,300MW ang power supply sa Visayas grid o 200MW ang reserve.
Gipahibawo usab ni Fuentebella nga base sa ilahang feasibility study ideal nga butangan og power plants sa isla sa Mactan ug lungod sa Compostela, Sugbo. (HBL)