Patay'ng lawas gisud og malong nakaplagan

PIKIT, North Cotabato-- Natusak-tusak sa bala ang lawas ug patay na nga nakaplagan ang usa ka mag-uuma alas 4:10 sa hapon, Lunes, Hunyo 3, 2019.

Sumala kang Pikit Chief of Police, Major Mautin Pangandigan nga nakaplagan ang patay nga lawas ni Black Dimasingkil, 27, bulag sa asawa, molupyo sa Barangay Damalasak, Pagalungan, Maguindanao Province sa kasagbutan nga bahin sa utlanan sa mga Barangay sa Calawag ug Balong sa Pikit.

Nasayran nga natusak-tusak og bala ang lawas sa biktima, gigapos ug gisulod og malong.

Patay nga lawas sa biktima gidala sa Municipal Plaza sa lungsod busa nailhan sa pamilya niini ug gikuha ug gilubong dayon subay sa tradisyon sa Muslim.

Sumala sa mga nakasaksi nga giatngan sa mga armadong lalaki ang biktima ug gidala sa hilit nga dapit sa lungsod ug didto kini gitipi.

Nasayran nga gikawat sab sa mga suspek ang motorsiklo sa biktima.

Imbestigasyon sa kapulisan Pikit Municipal Police Station nagpadayon samtang gisuwat ning balita.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph