USA ka kanhi manager sa bangko ug mipailawom sa community based drug rehabilitation program sa gobyerno ang gipsuil-patay sa wa pa mailhing mga mamumuno didto sa Jade Valley Subdivision, Buhangin, Dakbayan sa Davao, Martes sa buntag, Hunyo 4, 2019.
Ang biktima nailhang si Eduardo Te, 50-anyos, kinsa palakaw na unta sakay sa iyang kotse dihang gitaparan og laing usa ka kotse, dayon kalit siyang gipusil.
Sumala sa nakakita sa hitabo nga si Mercedita Alejaga, nga walay kukahadlok nga migawas sa kotse ang mamumuno dayon namusil tulo ka higayon.
Ang kapulisan sa Buhangin Police Station nakahipos og upat ka mga basiyo sa bala sa .45 nga pistola.
Si Diane Matias, ang ka live-in partner sa biktima nagbutyag nga dugay na nga nagagamit og gidili nga droga ang biktima ug mipailawom na kini karon sa community based drug rehabilitation program sa Barangay Tigatto.
Dead on arrival ang biktima sa ospital samtang kapulisan padayong naghimo og imbestigasyon sa kremin.