Bag-ong hepe sa Cocpo gilantaw

BUOT sa lokal nga kagamhanan nga hingpit na nga mahulipan ang pwesto sa city director sa Cagayan de Oro City Police Office (Cocpo) kini human sa kalit nga kamatayon ni Police Colonel Nelson Aganon niadtong Martes, Hunyo 4, samtang nagpaalim sa Polymedic Medical Plaza, Kauswagan, dakbayan sa Cagayan de Oro.

Nasayran nga nakabsan sa kinabuhi si Aganon mga alas 3:30 human gitabang pa sa pipila ka mga higayon sulod sa kapin usa ka oras.

Sa pahayag ni Cagayan de Oro City Mayor Oscar Moreno, nagpadayag usab kini sa iyang pahisubo ilabi na sa tibuok pamilya ni Aganon kinsa usab nagpakita og maayong serbisyo sa siyudad gani niubos man ang ihap sa natigayong krimen sa dakbayan sa pamunoan niini.

Gibutyag niini nga niadtong nilabay nga semana, nibisita si Lieutenant Colonel Reynante Reyes ug mga kauban kinsa usab nagkortesiya nga kini ang kasamtangang officer-in-charge (OIC) nga gidesignar sa Police Regional Office Northern Mindanao, kini gumikan sa kondisyon ni Aganon human naaksidente ug nasabtan usab niini gani nanghinaot nga mapadali ang pagkaayo ni Aganon apan dili usab kini madali ilabi na nga kinahanglan niini nga magpahulay apan nakabsan na hinuon kini sa hinulamang kinabuhi.

Gidugang pa niini nga dili usab mamahimong magpabilin lang nga OIC ilabi na nga maapektaran ang pagkaepektibo sa serbisyo tungod kay limitado lamang ang gahom niini hinungdan nga buot na niini nga duna na gayo'y hulip sa maong pwesto ilabi na nga nagsugod na ang klase.

“While we now mourn the untimely passing of Colonel Nelson Aganon, we must, however, face the stark reality that the city needs a regular chief of Police to replace him. We cannot afford to stall. Classes in all levels will start in a few days,” pahayag ni Moreno.

Gidugang pa nga nagpadayag na kini og intensiyon sa pagdawat og bag-ong city director.

“Accordingly, I have indicated our intention of receiving a new chief of police in Cagayan de Oro soon. With this, I know the selection process begins,” dugang niini.

Ang patay nga lawas ni Aganon ang anaa na sa Cosmopolitan Funeral parlor sa Capistrano sa Siyudad sa Cagayan de Oro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph