SA NAKALABAY nga adlaw, nanawagan si Asian Games gold medalist Hidilyn Diaz og pinansyal nga suporta alang sa iyang preparasyon sa 2020 Tokyo Olympics.
Si Diaz, kinsa nakadaog og silver medal sa weightlifting event sa Rio Olympics niadtong 2016, nag-post sa iyang Instagram sa account alang sa iyang panginahanglanon.
“Is it okay to ask sponsorship sa mga private companies towards Tokyo 2020?” pamahayag ni Diaz.
“Hirap na hirap na ako. I need financial support. Sa tingin niyo, okay lang kaya. Nahihiya kasi ako, pero try ko kapalan mukha ko para sa minimithi kong pangarap para sa ating bansa, na maiuwi ang gold medal sa Olympics.”
Niadtong Abril, si Diaz naka-qualify alang sa Tokyo Games pinaagi sa paglabni og tulo ka silver medals sa 2019 Asian Weightlifting Championship sa China.
Human gipiyestahan ang post ni Diaz, mitubag ang Philippine Sports Commission (PSC) dungan sa pagsulti nga wa magkuwang sa paghatag og tabang ang buhatan kaniya.
“The government has been very supportive,” ni PSC chairman Butch Ramirez.
Isplikar ni Ramirez nga si Diaz nagdawat sa labing taas nga allowance sa mga atleta, diin sagad sa mga hangyo niya gipatumanan gyud sa gobyerno.
Dugang sa PSC nga karon nga tuig sila nakahatag og halos P4.5 million nga pundo alang sa training niya sa Hainan ug Guangxi sa China.
Ang ahensiya sab ang nagbayad sa iyang foreign coach Julius Kaiwen, diin giabaga nila ang binulan nga sweldo niini ug food allowance.
Dugang pa nga ang NSA’s request niya alang sa pundo sa kompetisyon ang giaprubahan sab.
Usa ka bag-ong weightlifting gym ang gitukod sa RMSC human siya nagyawyaw sa daang gym nga gamit nila.
“Hidilyn receives support from the PSC and the Philippine Air Force being an enlisted personnel,” dugang ni Ramirez.
Suma pa nga ang PSC human sa iyang kalampusan sa Olympic, nakadawat siya og P3 million nga insentibo gikan sa gobyerno.