CHO nagpasidaan sa mga manabakoay moundang na

SUBLING nagpahimangno ang City Health Office (CHO) sa Davao City sa mga manigarilyohay nga moundang na aron di masakit.

Kini human gipirmahan ni Pangulong Rodrigo Duterte ang usa ka executive order alang sa nationwide smoking ban ning bag-o lang.

Sumala ni CHO head Dr. Josephine Villafuerte nga angay hisgutan mao ang mga sakit nga makuha sa pagsigarilyo tungod kulangon pa ang ilang income sa matag indibiduwal nga naga-sigarilyo diha sa ilang pagpa-ospital.

Luyo niini, ang Department of Health (DOH) mopakusog pa sa ilang information dissemination campaign labi na sa pagpakatag og mga tarpaulin diin asa dunay hulagway sa tawo nga makita ang tanang matang sa sakit nga makuha sa sigarilyo.

Ang pagpataas sa presyo sa sigarilyo karong bag-o, maoy usa sa mga butang nga makapakunhod sa mogamit, apan giingon nga kung ma-adik na sa sigarilyo wala na gyuy makapugong bisan pa og momahal kini.

Apan sa bahin sa usa ka tindera, mobaligya lamang gihapon siya kay nasayud siya nga naa gihapoy mopalit bisan pa og momahal kini ug bisan dunay mga gipagawas nga hulagway sa mga sakit ang DOH.

“Mopalit og mobaligya lang gihapon ko og sigarilyo kay daghan man og mangita. Ana pa sila, bisag unsa pa na kamahal, mopalit gyod sila diin moundang lang sila kung wa nay mamaligya og yosi,” ingon ni Neneng Aparece, taga Barangay Tibungco, Davao City kinsa napulo na ka tuig nga naninda og sigarilyo.

Luyo niini, si committee on health chair Councilor Mary Joselle Villafuerte sa Davao City Council, miduso og balaudnon nga magdugang og pundo alang sa implementasyon sa Universal Healthcare Act diin ang katawhan ang maka-benepisyo. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph