Commander: TF-Davao wa miapil sa money investment schemes

WALA pay nahibal-an ang pamunoan sa Task Force Davao kung duna na bay ilang mga sakop nga miapil sa mga nagkatag karon nga money investment schemes.

Kini ang gibutyag ni Brigadier General Nolasco Mempin, ang commander sa TF-Davao atol sa AFP-PNP Press Conference sa The Royal Mandaya Hotel, kagahapon.

“So far, wala pa tayong napag-alaman na may sumali dito na miyembro natin, kung meron man, ipapatawag natin ang kanilang atensyon to justify the allegations,” tipik sa gisulti ni Mempin.

Gipaneguro sa kasundalohan labi na sa TF-Davao nga mapabilin ang ilang moral ug dignidad nga malayo sa mga panghitabo nga giingong usa ka “Fraudulent Financial Investment”.

Gawas sa kasundalohan, gipanalipdan sab sa kapulisan ang katawhan aron mahatagan og proteksiyon.

Mayo 31, 2019 gitukod sa pagpanguna sa Police Regional Office (PRO)-Davao ang usa ka Inter-Agency Task Force.

Kini aron batukan ang alegasyong mga “Fraudulent Financial Investment Schemes” kun pagpangilad lamang nga maayo lang sa sinugdanan, may “pay out” pa, apan magkadugay wala na, nga sagad giingong anaa sa Tagum City.

Ang maong kamugnaan gitunong sa 257th Regional Law Enforcement Coordinating Council (RLECC) Meeting sa PRO-11.

Kauban sa kapulisan ang mga nagkadaiyang unit sa otoridad, ug mga nagkadaiyang buhatan sa gobyerno uban sa National Intelligence Coordinating Agency (NICA) ug Securities and Exchange Commission. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph