SA PAG-obserbar sa nasod sa Eid’l Fitr kun pagtapos na sa balaang buwan sa pagpuasa, si Presidente Rodrigo Duterte nipadayag sa iyang paglaum nga ang Muslim community maoy katambayayong sa iyang administrasyon sa pagpatigbabaw sa kalinaw ug pagsinabtanay tali sa mga Pilipino gikan sa nagkadaiyang mga lakat sa kinabuhi.
Si Duterte, sa iyang mensahe, nangindahay nga makabaton og “inspiring and meaningful Eid’l Fitr” alang sa mga Muslim.
Iyang giila ang Ei’dl Ftr nga “a solemn occasion that binds the Muslim community together as they mark the end of the holy month of Ramadhan.”
“May all Muslim Filipinos observe this day as a time for reflection, enlightenment and renewal of commitment to a much stronger devotion to the Almighty,” matod sa Presidente.
“Take this as an opportunity to deepen your role as instruments of love, sacrifice, respect and selfless service and may each of you remain our government’s partner in promoting peace and understanding among Filipinos from all walks of life,” siya nidugang.
Ang Eid’l Fitr maoy pagtapos sa balaang buwan sa Ramadan dihang ang mga Muslims sa tibuok kalibutan mag-abstinensya, apil na ang usa ka buwan nga pagpuasa.
Matod ni Duterte nga ang nasod nakighiusa sa mga Muslim Filipinos samtang sila “offer prayers of praise and thanksgiving, as well as demonstrate the virtues of Islamic faith in accordance with the teachings of Allah through the Quran.”
Si Duterte mao ang unang Pilipino nga presidente nga nagagikan sa Mindanao, diin daghan ang mga Muslim community.
Ubos sa iyang pamunoan, si Duterte nakatuman sa iyang panaad sa kampanya nga mag-umol og bag-ong Bangsamoro region, naila nga Bangsamoro Autonomous Region in Muslim Mindanao, aron makab-ot ang kalinaw ug ekonomikanhong kalamboan sa Muslim south. (SunStar Philippines)