SUPERBALITA CEBU

Asturias, siyudad sa Toledo mao ra ang walay rehab program: Meca

Duha na lang ka mga local government unit (LGU) dinhi sa Sugbo ang walay makapatuman sa community-based rehabilitation program (CBRP) alang sa mga drug surrenderer.

Kini base usab sa talaan sa Cebu Provincial Anti-Drug Abuse Office (CPADAO).

Gitug-an ni CPADAO executive director Ivy Meca nga ang maong mga lugar naglakip sa lungsod sa Asturias ug sa siyudad sa Toledo.

Sigun sa CPADAO, ang Asturias kinahanglan pang mohimo og LGU-wide assessment sa mga barangay niini alang sa pagpatuman sa CBRP.

Samtang ang Toledo City, kasamtangan pa nga nagbansay sa ilang mga interventionist o personnel nga modumala sa programa.

Ang CBRP barangay-based rehabilitation program sa mga low risk nga drug dependent.

Matod ni Meca nga moabot na sa 49 ka mga LGU dinhi sa probinsiya nga nitamod o nihimo na niini. Sa maong ihap, 35 ka mga lokalidad ang dunay completers o nakahuman sa rehab program.

“Ang effort gyud sa mga LGU ato gyung hatagan gyud ug kuan (credit) noh. They really did their part or their role for their anti-drug abuse council, na-strengthen gyud wherein na-sustain gyud nila ang community-based rehabilitation program,” sigun ni Meca.

Sa nasayran, moabot sa kapin 46 mil ang kinatibuk-ang ihap sa mga drug dependent sa Sugbo nga ni-surrender sa gihimo nga Oplan Tokhang sa kapulisan niadtong 2016.

Gitug-an ni Meca nga moabot sa 14,373 ang surrenderers nga ni-enroll sa CBRP sa kabarangayan ug naa na sa 8,221 ang nakakumpleto niini.

Gitumbok sa CPADAO, lakip sa mga hiungdan nganong gamay lang ang nipaubos sa CBRP kumpara sa mga ni-surrender, mao nga ang uban nibalhin na ug laing pinuy-anan, ang uban nanarbaho na samtang ang uban napatay usab sa mga anti-drug operation.

Kadtong mga naka-gradwar sa CBRP, subject na sa monitoring sa local social workers ubos sa community service after-care program sulod sa usa ka tuig. (AZLG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph