Electrician nakuryentihan sa Patria, patay

CEBU. Patay ang usa ka electrician human ma-kuryentehe samtang nag taod og mga wire sa ibabaw sa kisame sa ikaduhang andana sa gi-renovate nga Patria de Cebu dormitory sa dalan P. Gomez, Barangay Sto. Nino, sa Siyudad sa Sugbo. (Hulagway kuha ni Joseph Quilong-Quilong Jr.)
CEBU. Patay ang usa ka electrician human ma-kuryentehe samtang nag taod og mga wire sa ibabaw sa kisame sa ikaduhang andana sa gi-renovate nga Patria de Cebu dormitory sa dalan P. Gomez, Barangay Sto. Nino, sa Siyudad sa Sugbo. (Hulagway kuha ni Joseph Quilong-Quilong Jr.)

PATAY ang usa ka electrician dihang nakuryentihan samtang nagtaud og wires sa kisame sa ikaduhang andana sa gi-renovate nga Patria de Cebu Dormitory sa dalan P. Gomez, Barangay Sto. Nino, siyudad sa Sugbo niadtong Miyerkules. Hunyo 5, alas 6:100 sa gabii.

Ang biktima giila nga si Gilbert Getubig, hingkod ang pangidaron, minyo ug taga Barangay Lagtang, siyudad sa Talisay. Sa inisyal nga imbestigasyon sa Waterfront police station nga samtang nagtaud sa wire sa kuryente ang biktima, kalit lang nga nakagunit sa usa ka live wire.

Sigun sa pamahayag sa kauban niini nga electrician nga si Edwin Ricafort, 37, taga Sitio Dawis, Brangay San Roque, Talisay nga iyang nakit-an ang biktima nga naggunit sa iyang pliers sa iyang walang kamot ug ang iyang tuong kamot nigunit sa electric junction box nga gipalibutan sa mga wire.

Dali nga miresponde ang mga sakop sa Bureau of Fire Protection Emergency Medical Service nga gipangulohan ni Fire Officer 3 Estilbert Legoro, apan sa ilang pag-abot, zero vital sign na ang biktima.

Matod ni Police Major Joemar Pomarejos, hepe sa Waterfront police station, nga wala silay nakitang foul play sa kamatayon sa biktima.

Usa sa ilang duda nga ang hinungdan nga nakuryentehan ang kusog nga pagbunok sa ulan niadtong Miyerkules sa gabii diin nabasa ang lawas sa biktima.

Natingala si Pomarejos nga usa ka electrician ang biktima apan nganong na kuryentehan.

Iyang ipatawag ang contractor sa Patria de Cebu aron masayran kung husto pa sa training ang biktima.

Mahimong manubag ang contractor sa biktima nganong gipataod kini sa wire sa kuryente kung walay hustong training.

“Engineer man kuno toy nagpadala niya. Basin nay nagtulo nga tubig ba. Automatic man na nga ang contractor ug ang Patria manubag sila sa civil (case) sa biktima,” matod ni Pomarejos.

Magpaabot pa usab ang kapulisan sa Waterfront police station sa kabanay sa biktima kung mopasaka ba sila og kaso sa kontractor sa pag-renovate sa Patria de Cebu Dormitory.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph