HAPIT na matapos ang mga dagkong proyekto sa kadalanan sa kagamhanang probinsyal sa Misamis Oriental.
Kini ang gipahibalo sa Provincial Engineering Office.
Anaa na sa 81.94 porsiyento ang Manticao-Cabalantian-Mahayahay-Limunda Provincial Road sa Lungsod sa Manticao Misamis Oriental.
Anaa na usab sa 88.28 porsiyento ang Baliwagan-Pelaez-Impabikil Provincial Road sa lungsod sa Balingasag.
Ang Jasaan-Claveria Road ang anaa na 98.96 porsiyento ang pagkatibawas.
Samtang Opol-Basak-Bagocboc-Tingalan provincial road sa Opol ang anaa sa 79.33 porsiyento.
Anaa sab sa 89.35 porsiyento ang Initao-Kamelon-Sinalac Provincial Road sa lungsod sa Initao.
Ang Kinoguitan-Calubo-Napusilan-Kidampas road anaa na sa 96.53 porsiyento karon panahona.
Samtang ang Magsaysay Kibungsod Abunda road sa Lungsod sa Magsaysay ang anaa sa 80.64 porsiyento.
Tipik kini sa proyekto ni Misamis Oriental Governor Bambi Emano niadtong tuig 2018 na hapit na matibawas.
Sa uwahing interbyu kang Emano iyang gibutyag nga sa iyang katapusang termino mas bubuan pa og proyekto sa dalan ang probinsya tungod kay sa iyang paglibot suroy atol sa kampanya iyang nakita ug nasusihan daghan pa gyod dalan ang wala pa natibawas.
Gawas niini, himoan sab og dalan ang mga tourism site sa probinsya aron mas sayon ang pagbisita sa mga turista.