UPAT ka mga lalaki ang pulos nasikop sa kapulisan pinaagi sa warrant of arrest human nag-atubang og kasong frustrated murder sa Sitio Mahayahay, Barangay Cabug, Lungsod sa Medina, Misamis Oriental.
Ang mga dinakpan giilang sila si Nesty Beronio, alyas Lonlong, 20; Abel Templado alyas Ab-Ab, 20; Grant John Babanto, 18; ug usa ka 15 anyos nga wala na ginganlan.
Gibutyag ni Police Master Seargent Arvie Cainoy sa Medina Police Station nga kining mga dinakpan gitumbok nga suspek sa usa ka biktima nga taga Barangay Maanas, susamang lungsod.
Matud ni Cainoy nga igo lamang naghatod kining biktima didto sa iyang uyab sa Sitio Mahayay sakay og motorsiklo dihang pagpauli niini kalit kining gitabangan og bunal sa kahoy.
Nakaangkon og samad ug bun-og sa kalawasan ang biktima kinsa naluwas ug anaa na sa maayong kahimtang.
Gani gipugos sa mga dinakpan ngano sila gipangdakop nga aduna na silay settlement sa barangay ug nasabotan nga magbayad ngadto sa biktima.
Apan nakalatid sa warrant of arrest nga adunay girekomendar nga piyansa nga P72,000 matag usa ka nila.
Sa pagkakaron detinado na ang mga dinakpan samtang ang minor de edad gitakdang ikustodya sa buhatan sa Department of Social Welfare and Development.