ANG Australian superwelterweight champion nga si Tim Tszyu maoy gikuha nga sparring partner ni eight-division champion Manny Pacquiao isip preparasyon alang sa WBA welterweight unification title showdown batok ni Keight Thurman nga gikatakda karong Hulyo 20 didto sa Las Vegas.
Si Tszyu daling milupad gikan sa Sydney ug naabot dinhi sa nasod niadtong Lunes, ug nianang pagka Martes nakig-sparring gilayon kini ni Pacquiao sulod sa upat ka rounds didto sa Elorde Gym nga haduol ra sa opisina sa fight senator sa Mall of Asia.
Si Jonathan Penalosa, ang assistant trainer ni Pacquiao, mibutyag nga tuyo nilang gikuha si Tszyu tungod kay susama kini og estelo ni Thurman. Si Justine Fortune maoy mikontak sa kampo ni Tszyu. (JBM)