MGA duwa karon:
4:30 pm. - Meralco vs. Phoenix Pulse
7:00 pm. - Rain or Shine vs. Ginebra
Kasuko ug kasagmuyo maoy nasinati sulod sa dugout sa San Miguel human sa ilang 121-88 nga kapildihan sa mga kamot sa NorthPort niadtong Miyerkules sa una nilang duwa sa 2019 PBA Commissioner’s Cup.
“Dismayado lahat. Galit sila coach at ang mga boss namin. Pangit ang game na ito at isa ito sa pinaka-worst namin,” matod ni June Mar Fajardo nga na-interview sa Spin.ph.
Ang Beermen nga bag-o lang milangkat sa ilang ikalimang sunodsunod nga titulo sa Philippine Cup kutas apan luya nga nakigkombati sa Batang Pier kinsa maoy nagkontrolar sa kinatibuk-ang duwa.
Sa halftime, nakaposte og 54-41 nga labaw sa halftime ang Batang Pier gikan niini wala na gyud mohatag pa og igong higayon sa Beermen.
“Talo talaga. Sobrang pangit ng laro namin. Walang excuse,” dugang sa five-time PBA MVP, kinsa mitapos sa duwa nga may 19 puntos, lima ka rebounds ug tulo ka blocks sa kapildihan.
Hapit tanang departamento sa duwa gilupig ang San Miguel sa NorthPort.
Apan taliwala ning tanan, gibutyag ni Fajardo nga ang iyang mga kauban nanaad nga ang maong kapildihan maoy ilang gamiton nga makapadasig kanila sa sunod nilang duwa.
Ug ning higayona, batok sa higpit nilang karibal nga mao ang TNT KaTropa ugmang adlawa.
“Kailangan namin mag-bounce back next game,” matod sa lumad nga taga Pinamungahan, Cebu. “First game pa lang namin. Makakabawi pa naman kami siguro, pero kailangang galingan na lang namin next game.”
“Kailangan naming maglaro as a team dahil yun ang magpapanalo sa amin. Sobrang short lang ng conference na ito. Every win counts, so may two days of practice kami para mag-improve at mag-bounce back.” JBM
Samtang karong hapon, makigsangka ang Phoenix Pulse sa Meralco Bolts sa alas 4:30 sa hapon.
Ang Pulse mosulod sa korte nga wala si Calvin Abueva ug ang ilang headcoach nga si Louie Alas kinsa gipahamtangan og duha ka duwa nga pagkasuspenso tungod sa iyang pagtukmod ni David Semerald sa TNT. Si Abueva gipahamtangan og indefinite suspension tungod sa iyang tuyo nga paglamba sa iyang kumo ngadto sa import sa TNT nga si Terrence Jones.
Gawas sa pagkasuspenso, gipamulta usab siya og P70,000 lakip niini kadtong iyang pagpakig-away sa uyab ni Bobby Ray Parks atol sa ilang duwa batok sa Blackwater Elite.
Sa main game, magsangka usab ang Barangay Ginebra ug ang Rain or Shine sa alas 7 ang takna. (JBM)