SUPERBALITA CEBU

APO medical mission sa Malapascua

MALAMPUSON ang gipahigayon sa Alpha Phi Omega (APO) - Eta Tau Chapter (Cebu Doctors’ University) nga 'APO Cares: Medical-Dental Mission, Operation Tuli, and Distribution of Eyeglasses' sa Malapascua alang sa benepisyo sa kabus nga residente sa isla niadtong Mayo 19, 2019.

Ang tibuok adlaw nga misyon ubos sa espiritu sa leadership, friendship, ug service nga gibarogan ug gipatunhay sa APO.

Ang niapil nga medical professionals mao sila si Dr. Grace Rabago ug r. Hermie Segocio (medical); Dr. Alan Gabato, Dr. Jeffrey del Socorro & Dr. Daryl Patrick Diez (dental).

Pipila ka fire officers, registered nurses, radiologists, ug healthcare ang ningboluntaryo sa naasoy nga outreach program.

Ang maong misyon nakahimo og 95 circumcisions, 79 medical consultations, 3 minor surgeries, 26 dental operations, 131 optical consultations uban sa free eyeglasses.

Ang mga benepisaryo gihatagan usab og libre nga tambal ug supplements.

Ang APO maoy bugtong single most represented co-educational intercollegiate service organization sa United States of America ug worldwide nga dunay kapin sa 470,000 ka mga miyembro sa kapin sa 375 campuses.

Ang iyang mga programa mao ang paghatag og opurtunidad sa pagpalambo sa katilingbanong kaamgohan pinaagi sa pagmugna sa upat ka nataran sa serbisyo diin ang collegiate chapters nalambigitsa (1) Service to the Campus, (2) Service to the Community, (3) Service to the Nation, ug (4) Service to the Fraternity.

Sa misyon sa Malapascua, ang partners ug sponsors naglakip sa Aabana Water Sports Beach Resort Malapascua Island, FERC Fuels, APO United Arab Emirates Alumni Association 96, ug APO Beta Gamma Alumni Association. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph