Thurman ibasura

SI PHILIPPINE boxing legend Manny Pacquiao misaad nga pahilumon si Keith Thurman sa ilang World Boxing Association title bout sunod bulan, dungan sa pagtawag niya sa kaatbang nga “loudmouth.”

Napuno sa insultuhay ang umaabot nga bugno, diin si Thurman nagsulti nga pildihon niya ang 40-anyos nga si Pacquiao ug paretiruhon kini human sa ilang bugno sa Las Vegas karong Hulyo 20.

Si Thurman, 30, nagsulti sab nga ilansang niya sa kapildihan ang world’s only eight-division world champion.

“He’s a loudmouth outside the ring. Let’s see if he can back it up inside the ring,” ni Pacquiao nga gabansay sa Manila.

“Some boxers are arrogant while other boxers are humble. Thurman? We know he’s arrogant,” dugang ni Pacquiao.

“I’m so motivated for this training camp because of his trash talk, like that. I would rather have my fists do the talking,” niya pa.

Ang Philippine legend hapit unta nga humanon na ang karera sa boksing, apan napukan niya sila Lucas Matthysse ug Adrien Broner.

Gitunga ni Pacquiao ang iyang training camp tali Pilipinas ug Los Angeles.

Ang iyang pagpangandam giyahan sa iyang trainer, Freddie Roach.

Giingong Hunyo 15 molupad padung Los Angeles ang tim sa Pinoy.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph