ANG inilang white sand shores sa Dahican Beach sa Mati City sa Davao Oriental ang subling mag-host sa labing dako nga beach party sa rehiyon, ang SummerFrolic 2019.
Ang beach party gisugdan gahapon ug matapos karon, Hunyo 8 sa Lane’s Kalapyahan resort.
Ang aktibidad pangunahan sa mga international ug inilang Filipino DJs.
Anaa sila international DJs; LaCreme, King Paradise, King Lady, and DJoly.
Samtang mga Filipino DJs nga maki-party mao sila Ron Poe, Deuce, Funk Avy, Jet Boado, Katsy Lee, Tellus and Omi, ug Mark Thomspon.
Anaa sab ang mga top Dabawenyo DJs sama nila DJ Jack Ripper, Kevin Rage, ug Ronn Mirage.
Mga organizers naglaum nga ang aktibidad dugukon sa 7,000 ka mga partygoers gikan sa nagkadaiyang parte sa nasud.
Aron maatiman ang mga bisita gawas sa dapit, nakig-partner ang aktibidad sa Cebu Pacific isip official airline partner.
Uban sa tema nga “We celebrate life and help preserve life,” ang SummerFrolic 2019 makipartner sab sa HALAD Mission Group Foundation nga mohimo sa libre nga surgical missions sa major ug minor cases sama sa cataract operations ug dental services sa nagkadaiyang lokasyon sa Davao Oriental.
Ang SummerFrolic na-establisar niadtong 2014 sa tumong nga ipromotar ang Dahican Beach ug Mati City isip major tourism attraction. (Rudolph Ian Alama, PIA)