SUKWAHI sa gituohan, dili pa gihapon makaduwa si Kevin Durant alang sa host Golden State Warriors karong adlawa batok sa Toronto Raptors sa Game 4 sa National Basketball Association (NBA) Finals sa Oracle Arena sa Oakland.
Ang maayong balita alang sa mga sumosunod sa Warriors, segurado na ang pagbalik og duwa sa usa sa labing mga sinaligan sa back-to-back champions nga si Klay Thompson.
Dihang parehong wala sila si Durant ug Thompson, ang Warriors nakatilaw og kastigo sa Game 3, 123-109, nga maoy naghatag sa Raptors og 2-1 nga bintaha sa best-of-seven series.
Gituohang makahatag og dakong moral alang sa Warriors ang pagbalik ni Thompson gumikan kay gawas nga gikahadlukang ang iyang mga tira sa gawas, seguradong maghatag sab og kahasol sa Raptors ang iyang pilit nga depensa.
“We can’t fall into the trap of thinking offense alone is going to win us another championship or letting that end of the floor affect our defense,” matod sa laing pambato sa Warriors nga si kanhi two-time MVP Stephen Curry.
Ang Raptors, nga gipangulohan ni Kawhi Leonard, Kyle Lowry ug Danny Green, kaya ra kaayong motubag sa matag itsa ni Curry.
Apan ning higayuna nga mobalik na ang depensa ug opensa ni Thompson alang sa Warriors, gilaumang adunay kausaban sa dagan sa estorya.
“People fall in love with his shooting and how hot he can get on the offensive end, but the way that our team plays defensively and the chemistry that we have and the experience, he’s right at the forefront of that,” pasabot ni Curry kabahin kang Thompson.
“And it’s a tough adjustment when guys who haven’t been in that position consistently and in these type of moments are thrown into his minutes. So you would love to have him out there on that end of the floor as well, especially with a team like Toronto.”
Nasayod ang Raptors sa kapabilidad ni Thompson hinungdan nga ilahang gipangandaman og insakto ang pagbalik niini.
“He’s (Thompson) a great defender. I think he’s one of the best, right up there at the top of the best wing defenders in the league,” matod ni Raptors coach Nick Nurse.
“He’s probably underrated in that department. He really puts in some awesome defensive performances for them, especially when they really need them.”
Si Durant wala gihapon nakaapil sa praktis sa Warriors kagahapon apan malaumon ang Warriors nga makabalik ra kini’g duwa sa dili pa mahuman ang finals, posible sa Game 5. (AP, ESL)