NAKAISPOT ang Jomara Contractors sa uwahing pagpanghudlat sa DepEd Chalk Masters, 107-97, sa nagpadayon nga 2019 Minglanilla Mayor’s Cup Summer League 39-under sa Minglanilla Sports Complex niadtong Biyernes.
Ang kadaugan maoy ikaduhang naangkon sa Jomara sulod sa upat ka duwa ug sa samang higayon nagduot sa DepEd ngadto sa 1-3 nga baraha.
Sa 21-under division, kulbahinam nga gibuntog sa Vito 2 ang Ward 2, 106-101.
Si Kent Harvey Celin milabni og 25 puntos samtang midugang og 21 si Serge Emman Saramilla aron pangulohan ang Vito aron ibaliwala ang 39 puntos nga napugnit ni RJ Quino sa Ward napukan nga Ward 2.
Kadto maoy unang daog sa Vito 2 sulod sa unom ka duwa nga susama ra usab og standing sa Ward 2 nga 1-5.
Sa 40-up category, sa ikaduhang higayon na-forfeit ang Gray team human wa na usab kini makatunga batok sa Violet.
Ang Violet aduna nay 4-0 nga record samtang ang Gray nahagsa sa 0-6 nga baraha. (JBM)