“It is a continuing crime. So arrest them and investigate it.”
Kini ang gisulti ni Presidente Rodrigo Duterte human si Pastor Apollo C. Quiboloy nangutana kon unsa ang iyang baruganan sa Kapa Community Ministry International, Inc. (Kapa) atol sa television program Give Us This Day sa pastor, nga gipasalida niadtong Sabado (Hunyo 8).
Ang Presidente nagmando sa National Bureau of Investigation (NBI), Criminal Investigation and Detection Group (CIDG), ug pulis nga susihon ang mga investment schemes ug sirad-an.
“That is why NBI... sirahan mo na sila... upon my orders,” mando ni Duterte.
Gitumbok niya nga ang hanyag sa Kapa gikonsidera nga pyramid scheme.
“When it is good to be true, it is fraud. Biro mo ‘yung P100,000 mo would earn P30,000 a month? Ni bangko na ‘yung Banko Sentral natin magbigay, tres lang porsyento. Ilan ang porsyento ngayon na? Annually ha [sic],” tin-aw ni Duterte.
Hugot nga gipahimangnoan sa Presidente ang mga Filipino kinsa padayon nga nagbubo og kuwarta niining matanga sa “schemes”.
“Eh ito, kayong mga Pilipino, ilang beses ko na kayo sinasabihan? ‘Pag ang -- what is being promised to you is something like heaven, walang tao dito, walang bangko, maski ‘yung Bank of America can afford to pay you P30,000 every month for your P100,000 [sic],” pagklaro niya.
Gibaharan sab ni Duterte ang pyramid schemes masira sa kadugayan.
“It gets bust. Because sila pa o ito o kasi marami pa, the number is still good. But as the crowd gets thinner kasi nakabigay na lahat, ang ibalik nila kaagad ‘yung 30,000, ibigay ngayon, wala na [sic],” dugang pa niya.
Ang Securities and Exchange Commission (SEC) bag-ohay lang nipagawas og cease and desist order (CDO) ngadto sa Kapa tungod sa pagpangayo og investments, gitawag sa organisasyon og “donations”, gikan sa publiko nga way igong lisensiya.
Gisakmit sab sa SEC ang certificate of incorporation sa Kapa tungod sa walay pagtugot nga investment-taking scheme. Narehistro ang Kapa isip relihiyusong organisasyon.
Nagkadaiyang mga investment schemes nitumaw sa Southern Mindanao.
Sayo niini, nagmando ang Davao City Business Bureau sa pagpasira sa duha ka mga investment schemes nga ilegal nga nag-operate sa siyudad nga walay permit, sila mao ang Rigen Marketing ug Jogle Innovative Marketing. Samtang wala sila mag-operate dinhi sa siyudad, naa sab sila sa laing lugar sa rehiyon.
Bag-ohay lang ang SEC nag-isyu na og public advisory, nga nagpabantay sa Filipino sa pag-invest sa 22 ka kompaniya nga ilang gisuspetsahan.