MGA superhero nanga-injured mao nga dili na madayon ang pelikulang “Darna” ug “Pedro Penduko”.
Unang ni-backout si Liza Soberano nga modala unta sa Pinay superhero nga “Darna”.
Dugay ug daghan ang proseso nga gi-agian sa young actress para makuha ang papel isip “Darna”.
Apan na-injured kini human nabali ang iyang tudlo sa fight scene niya sa Bagani.
Hangtud karon wala gyuy klaro kon kinsa ang mopuli ni Liza Soberano sa “Darna” bisan kon daghan na ang nagpa-audition.
Laing superhero nga dugay nang gi-andam sa Viva films ang “Pedro Penduko”.
Dugay na natong nahibaw-an nga si James Reid ang modala isip “Pedro Penduko.” Pero naguol ang daghang fans sa dihang gi-anunsyo sa Viva nga dili na mahimong parti sa movie ang James Reid kay na-injured sab ang actor.
Anugon kay excited na ra ba unta ang tanan sa duha ka bigating pelikula: ang “Darna” ug “Pedro Penduko.” Ay’g saba!
Human nakig-partner ang Julia Baretto kang Gerald Anderson sa “Between Maybes”, karon si Joshua Garcia na usab ang giparis sa lain nga mao si Janella Salvador.
Sa bag-ong serye sa ABS-CBN nga gibituonan ni Maja Salvador, ipa-ila dinhi ang tandem nilang Joshua ug Janella.
Pero dili ko motuo nga break na ang JoshLia kay unsaon man pagbuwag sa duha nga duna man silay pelikula nga mao ang “Block Z”.
Gani may nakita pa tang post sa social media ni Direk Mikhail Red nga nag-hang out sila kauban ang cast sa “Block Z” nga silang Dimples Romana ug Maris Racal. Wala sad sila motubag kon unsay ilang real score. Ay’g saba!