GIPAHAMTANGAN sa Department of Trade and Industry (DTI) 7 ang 14 ka mga tindahan og notice of violation (NOV) sa pagpaninda og construction ug hardware materials sa Sugbo human napamatud-i nga di kini certified ug substandard nga mga produkto.
Tungod sa Data Privacy Act, di makabutyag ang DTI 7 sa mga ngalan sa mga tindahan nga ilang napahamtangan og NOV.
Aron masiguro nga luwas ang publiko batok niining depektuso nga materyales sa construction ug hardware, gipahugtan pa sa DTI 7 ang ilang pagpanakop sa naninda niini.
Si DTI 7 Regional Director Asteria Caberte niingon nga lakip sa ilang nasakmit nga depektoso nga materyales mao ang girolyo nga steel bars, incandescent nga bombelya, PVC electrical tapes ug uban pa diin tanan nagkantidad og P254,789.
Matod ni Caberte nga padayon ang ilang monitoring ug pagpanakop lukop probinsiya sa Sugbo gikan sa Liloan ngadto sa Carmen sa amihanan ug sa Minglanilla ngadto sa San Fernando sa amihanan. (HBL)