ANG kanhi pambato sa Holy Child College of Davao nga si Vince Petdeo Cuajao, napiling moduwa alang sa University of Sto. Tomas.
Ang 6-foot-1 guard, gikanayong moduwa sa Growling Tigers, suma ni head coach Aldin Ayo, sa abs-cbnnews.
Si Cuajao gikonsiderang 'super scorer' nga kanhi mikamada og 41 puntos alang Holy Child College of Davao sa 2019 NBTC League National Finals.
Ang 18-anyos di lamang maayo sa duwa apan maayo sab kining makig-abi-abi sa kaubanan.
Ang Mindanaon nga magduduwa gisusama ni Coach Aldin ngadto kang UST High School standout Mark Nonoy nga mag-averaged og all-around 21.8 points, 8.9 rebounds, 6.0 assists, ug 2.6 steals sa usa ka season sa UAAP Juniors.
Si Cuajao nga bituon sa HCCD sa Davao, gikan sa Midsayap, North Cotabato.
Nauna ng gisulti ni HCCD head coach Nestor “Tating” Sorrosa, sa pakighinabi sa SunStar Davao, nga ang pag-exit ni Cuajao “a great loss” sa Red Eagles, diin usa siya sa instrumento nga nakuha sa tim ang duha ka Gaisano Grand Cup titles, tulo ka Davraa championships, Davao Pride Basketball crown, NBTC title ug Champions League 3-on-3 champion’s trophy, ug uban pa.
Sa iyang ka-maayo, nanghakot sab siya og MVP awards.
"Hindi man ayos ang akong exit pasalamat gihapon ko na napakita nako akong kaya sa inyoha. Suportahan unta gihapun ko ninyo sa akong college career. Jersey numbers 10 and 30 are now signing off," ang Facebook post sa batan-on niadtong Mayo.