BUHAY na buhay ang Musikang Lokal sa pagharana ni OPM artist Ogie Alcasid sa Abreeza Mall Activity Center, Bajada ning siyudad last June 8, 6 p.m.
Ang 51-anyos nga singer, way kupas ang bulawanong tingog ug unang gibirit ang "Nakakalokal"nga parte sa album nga iyang gipromote.
Mibirit sab ang bana sa Asia's Songbird sa mga gipasikat sab niyang Kailangan Kita ug Ikaw Lamang.
Sulit kaayo ang mini-concert ni Ogie, tungod di ka lang mabusog sa pagpaminaw sa iyang nindot nga boses, malingaw ka pa sa natural niyang kenkoy nga personalidad.
Una pa man misabak sa entablado ang singer, buwena mano ang singer-songwriter nga si Davey Langit.
Si Davey produkto sa unang season sa “Pinoy Dream Academy” sa Dos.
Ang singer maoy composer sa mga songs ni Yeng Constantino nga “Cool Off and Time In.”
Atol sa event, gipadungog ni Davey ang mga songs niya sama sa Wedding Song, Gitna nga anaa sa iyang Biyaheng Langit album.
Niadtong Hunyo 1 didto sab sa Ayala Centrio Mall sa Cagayan de Oro City ang singer.
Human sa programa pipila sa mga Dabawenyo fans ang naka-meet and greet ang mga talented singers.
Alang sa latest events sa Abreeza i-follow lamang ang ilang social media account aron kamo updated.
Sa inyong komento, suhestiyon ug uban pa, ipa-abot lang sa rhona_eps@yahoo.com.