SECTIONS
Saturday, September 21, 2019
SUPERBALITA DAVAO

Estudyante luyo sa kagubot, mogradwar nga Cum Laude

COTABATO CITY -- Ang Enero 25, 2015 nga mangilngig nga hitabo sa Barangay Tukanalipao Mamasapano, Maguindanao wala makababag sa usa ka estudyante sa pagradwar nga valedictorian sa high school ug sa Hunyo 11, isip cum laude sa degree sa sekondarya nga magtutudlo.

Si Norombai Utto, nga estudyante sa usa ka pampublikong sekondaryang tulunghaan sa Barangay Tukanalipao, lakip sa usa ka libo nga mga taga-baryo nga sentro sa kagubot nga nakapakurog sa nasud ang gitakda nga mogradwar.

Kahinumdoman nga moabot sa 15 ka mga gerilya sa Moro Islamic Liberation Front ug 44 ka mga sakop sa Special Action Force (SAF) sa kapulisan ang gipatay niadtong Enero 25, 2015 sa napulo ka oras nga engkwentro human sa pagronda nga miresulta sa kamatayon sa teroristang Malaysian nga si Marwan, kansang tinuod nga ngalan mao si Zulkifli bin Hir.

Lima ka mga sibilyan, tanan mga etniko nga mga Maguindanaon ang naangin ug napatay nga naigo sa mga saag nga bala.

Ang mga miyembro sa SAF nag-atras gikan sa Barangay Pidsandawan, Mamasapano, human nila napatay si Marwan sa dihang giatake sila gikan sa nagkalain-laing direksiyon sa mga lokal nga gerilya sa MILF ug mga teroristang Bangsamoro Islamic Freedom Fighters.

Ang BIFF naglihok sa dagway sa Islamic State of Iraq and Syria (ISIS) nga migamit og itom nga bandila sa mga langyaw nga terorista

Si Utto, nga migradwar nga valedictorian sa Hadji Salik High School sa Barangay Tukanalipao niadtong Marso 2015, nagpadayon sa kolehiyo sa Mindanao State University, o MSU, sa Datu Odin Sinsuat Maguindanao isip iskolar sa buhatan ni kanhi Gov. Mujiv Hataman sa gibungkag nga Autonomous Region in Muslim Mindanao (ARMM).

Magtapos siya sa cum laude sa Hunyo 11 nga gikomperma sa mga opisyales sa MSU.

Si Norombai miingon nga siya mapasalamaton kang Hataman sa pagtabang sa iyang pagtapos sa Bachelor of Secondary Education (BSED) nga nag-una sa General Science sa MSU nga gipadagan sa estado.

Si Utto miingon nga siya ug ang iyang mga kabanay mapasalamaton sa kanhi ARMM governor kansang administrasyon nagpalapad usab sa imprastraktura, panginabuhian ug uban pang humanitarian nga interbensyon sa mga molupyo sa Barangay Tukanalipao human sa mangilngig nga hitabo sa Mamasapano.

Ang ARMM gihulipan sa milabay nga Pebrero sa usa ka lig-on nga panggobyerno sa Bangsamoro Autonomous Region in Muslim Mindanao subay sa Bangsamoro Organic Law nga gi-aprobahan ni Presidente Rodrigo Duterte ug gipaboran sa katawhan sa gipahigayon nga plebisito.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph