16 sikop sa Mandaue checkpoint

NIABOT og 16 ka mga tawo ang nasikop sa usa ka gabii nga checkpoint sa Centro police station sa dakbayan sa Mandaue.

Gihimo ang checkpoint niadtong, Hunyo 8, pasado alas 10 sa gabii hangtud na sa alas 12 sa tungang gabii diha sa dalan A. Soriano, Barangay Centro, siyudad sa Mandaue.

Ang maong mga dinakpan ang gipriso tungod sa kaso may kalambigitan sa gidili nga drugas.

Sa 16 ka mga dinakpan, unom kanila ang nagpaila nga taga syudad sa Lapu-lapu, upat taga dakabyan sa Sugbo, laing upat nga taga probinsya sa Sugbo, ug duha nga molupyo sa Mandaue.

Ang mga dinakpan gipang-ila nga sila Roel Basallo, 39, taga lungsod sa Tabuelan, Roden Abellana, 36, molupyo sa lungsod sa Pinamungahan.

Nagtingkagol na usab sa prisuhan sila July Pulvera, 28; Raylin Juele, 43; Don Mangubat, 24; Rommel Pielo, 40; Fidel Magallanes, 40 anyos, ug Roy Campo, 21. Sila puros nagpaila nga taga Lapu-lapu.

Dugang nasikop sila si Alberto Alcover, 40, taga lungsod sa Consolacion, ug Marloue Pacaldo, 25, taga lungsod sa Cordova.

Lakip sa mga nasikop sila Gerelson Hera, 35; Redson Tirol, 24; Spencer Takemura, 29; ug Ruth Apura, 38, pulos mga residente sa siyudad sa Sugbo.

Laing duha giilang sila si Domingo Cutarra, 36, taga Tabok, Mandaue; ug Nicasio Seno, 42, taga Tingob, Mandaue.

Ang checkpoint nga gipanguluhan ni Police major Aldrin Villacampa, ang hepe sa police station sa Mandaue City Police Office (MCPO) ang niresulta sa pagkasakmit sa upat ka medium pack ug 13 ka gagmay nga pakete sa shabu.

Mobalor sa dul-an 40 mil ang gibanabana nga balor sa mga nasakmit nga drugas.

Aduna usab nakuha nga 12 ka buok ka mga piniko nga aluminum tin foils, nga gituohan nga gigamit diha sa pagsuyop sa shabu.

Usa ka dili lisensyado nga 380 caliber pistol, nga adunay lima ka mga bala ang lakip sa nakumpiskar sa mga pulis gikan sa usa sa mga dinakpan.

Samtang sa 16, pito ka motorsiklo kanila ang gi-impound na karon sa Centro police station. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph