ANG Committee on Laws nirekomenda og public hearing sa ordinansahon nga magsilot sa mga pulitiko nga mobalhin og partido sa dakbayan sa Sugbo.
Si Councilor-elect Sisinio Andales, chairman sa maong komitiba, nihulagway nga legal ang paggama sa maong ordinansa apan kinahanglan nga madungog ang tingog sa mga apektadong stake holder.
“Considering the foregoing, this committee finds the proposed ordinance to be within the power of this August Body to enact. However , this committee recommends to hold a public hearing on the proposed ordinance to hear the sentiments of all stake holders,” tipik sa committee report ni Andales.
Si Councilor-elect Renato Osmeña Jr., niduso og ordinansahon nga nag-ulohan” An ordinance imposing administrative sanctions to the elective members of the City Council who switch political party affiliation or political aggrupation within their term of office.”
Tuyo sa maong ordinansa ni Osmeña nga mapreserba ang loyalty sa mga politiko ngadto sa ilang partido ug mapabilin ang prinsipyo ug plata-porma itandi sa tradisyonal nga sistema diin matag eleksyon mag-iyahay og ambak paingon sa ruling party.
Apan way labot sa maong balaudnon ang mga tinudlo nga representante sa lainlaing sektor sa City Council. Wa say apil sa ordinansahon ang SK federation president ug presidente sa Association of Barangay Council.
Ang pulitiko kansang partido gi-abolish dili malakip sa silot samtang wa say apil ug dili makonsodera nga balimbing kadtong pulitiko nga mopailawom og merger jun coalition sa partido. Ang public hearing gikatakda nga ipahigayon karong Hunyo 11, atol sa ilang regular session. (PAC)