SUPERBALITA CEBU

Dili pa ting-uwan: Pagasa Visayas

BISAN pa sa mga nasinati na nga kasarangan ngadto sa makusog nga mga pag-ulan niadtong Biyernes, Hunyo 7 ug Sabado, Hunyo 8, sa Sugbo, giklaro sa Philippine Atmospheric Geophysical and Astronomical Services Administration (Pagasa) nga wala pa gideklarar nga ting-uwan na.

Gitug-an ni Engr. Al Quiblat, chief sa Pagasa Visayas, nga sa gihimo nga pagtuon sa Pagasa nga posibleng ning ikaduhang semana sa Hunyo madeklarar na ang panahon sa ting-uwan ning tuiga.

Apan pipila pa sa criteria ang ilang gitan-aw karon, usa na niini nga bisan pito man lang sa 13 ka mga designated weather station sa Pagasa sa Western portion sa nasod ang makasinati na og lima ka adlaw nga sunodsunod nga pag-ulan.

Matod ni Quiblat, nga kon dili masunod ang pipila sa criteria, hayan nga molungtad pa hangtud sa ikatulo nga semana o sa katapusan nga bahin sa Hunyo ang pagdeklarar sa pagsugod sa ting-uwan.

Niadtong Byernes, nasinati ang pag-ulan sa Sugbo nga nakasukod sa Pagasa Mactan sa 12 millimetres, apan ang maong pag-ulan tungod lang sa localized thunderstorm.

Sa unang semana pa lang sa bulan, aduna nay dul-an sa 20 millimetres nga ulan ang nasukod alang sa Sugbo. Adunay 190 mm rainfall measurement nga maoy average alang sa bulan sa Hunyo.

Kasamtangan nga anaa usab ang Intertropical Convergence Zone (ITCZ) nga mao usahay makatampo sa hinungdan sa pag-ulan.

Apan kasagaran nga ang localized thunderstorm ang nagdala’g mga pagpanag-um ug mga pag-ulan sa bisan unsa nga oras sa usa ka adlaw.

Hinungdan nga matod ni Quiblat nga labing mayo nga andam na daan ug magdala na og mga panagang gikan sa mga kalit-kalit nga pag-usab sa panahon kay mao usab kini ang magdala og mga sakit.

Gawas sa ITCZ, wala nay laing gi-monitor nga weather disturbance ang Pagasa nga mosulod sa nasod.

Samtang dili pa usab hingpit nga hanging habagat ang nipasulabi sa atong nasod, nag-usab-usab pa gihapon ang direksyon sa panahon.

Kasamtangang hangin gikan sa Pacific Ocean ang nabatyagan sa Pilipinas, gipaabot nga habagat (South westerly) ang paghangin. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph