MALAMPUSON nga migradwar ang 33 ka mga bulilit nagpangidaron og 3 ngadto 5 anyos sa bag-ohay lang natapos nga summer class sa Misamis Oriental Provincial Library.
Sa pagpanguna ni Provincial Library Department Head Richel Pajara kinsa niingon nga tinuig kini ngs kalihokan ug ning tuig gisugdan niadtong April 23 nga natapos niadtong bulan sa Mayo.
Tumong niini aron ang mga bata kahibalo nga makihalubilo sa laing mga bata ug ma preparar sa ilang klase isip mga preschooler sa pagbukas sa klase.
Niagig tuig ekslusibo sa mga anak lamang sa taga Kapitolyo ang summer class labina daghan mga kabataan ang nag interes sa pag enroll niini.
Apan karong tuiga bukas kini sa tanang mga bata apan pagklaro nga tungod sab kay dili ingon ana ka luag ang library sa probinsya dili gyod daghan kaayo ang nadawat.
Atol sa pagpahigayon sa culmination program ang mga migradwar nga mga bulilit ang nakadawat og mga school supplies, medals, ribbon nga gikan sa kagamhanang lokal.
Suportado ni Misamis Oriental Governor Bambi Emano ang summer class program tungod kay nagtoo ang gobernador nga ang kabatan-onan ang paglaom ug sumusunod nga mahimong lider ug karon pa daan kinahanglan nga imatuto pinaagi sa hustong edukasyon.