AMINADO ang grupo sa New People's Army nga ilang binuhatan ang sunod-sunod nga pagpangsunog sa mga ekipo bag-ohay lang sa probinsya sa Bukidnon.
Gibutyag ni Ka Nicholas Marino kinsa tigmaba sa NPA-Misamis Oriental nga adunay mga rason sa ilang pagpangsunog.
Kini tungod sa giingong pag-abusar sa mga Armed forces of the Philippines nga gamit-gamiton ang mga sakyanan sa sibilyan sa ilang mga opensiba ug kini ang giingong dako kaayo og kasupakan sa ilang kaugalingong balaod.
Daw gawas niini gihimong taning ang kabalayan sa mga sibilyan panahon nga adunay mga engkwentro.
"Dapat di pagamiton sa AFP ang mga sakyanan alang sa operasyon dapat markado kana." matud ni Ka Marino.
Ang 4th Infantry Division-Philippine Army una na nga namahayag nga nawad-an na og suporta ang walhong grupo gikan sa mga sibilyan tungod kay mismo na ang komunidad motabang kanila sa pagreport sa mga pagpangabuso nga gahimoon sa walhong grupo sa ilang dapit daw sama sa mga pagpangilkil ug uban pa.
Si Mgen Nemesio Gacal kinsa commander sa 4ID niingon nga nalipay siya og dako sa suporta sa katawhan.
"We are very thankful to the workers' courageous act of shooing away the NPA terrorists. This is the real essense of the "whole of nation" approach in preventing the communist NPA terrorists from sowing chaos in our place. This incident proves that the local communists terrorists are no match to people who unite and resist, even if the people are unarmed," matud ni Gacal.