ANG kalihim sa Department of Trade and Industry Mon Lopez nipahibawo nga ang ilang ahensiya mopahigayon og imbestigayon ngadto sa gireklamo nga online retailer nga Shoppe base sa pasangil nga nangilad.
Sa sayo pa, gi-uwan og reklamo ang Shopee Philippines diha sa social media kinsa maoy organizer sa meet-and-greet event nga nag-feature sa Korean phenomenon group nga BlackPink niadtong Hunyo 6, gipahigayon sa Samsung Hall, SM Aura, Taguig City.
Ang Shopee Philippines usa ka popular nga online retailer ang nipahigayon og online promo niadtong Mayo diin mga partisipante makadaog og BlackPink tickets.
Apan ang mga fan nihulagway sa gihimo sa Shopee nga usa ka pangilad gani nag-trending sa Twitter ang topic nga #Shopeescam.
“Iniimbestigahan namin. Siyempre kailangan i-protect ‘yung mga consumers who participated in the promo. Kailangan maimbestigahan further kung saan nagkamali,” matod pa ni Lopez taho sa CNN Philippines.
Mechanics sa Shopee aron makadaog gikinahanglan nga ang partisipante mogasto og P4,000 diha sa ilang online shop.
“In the initially released mechanics, people who wish to participate have to purchase from May 11 to 25 with orders received on or before June 1,” natala sa taho sa Interaksyon.
Apan adunay fans nga nagyawyaw nga miabot na sa P10,000 ang iyang na-purchase way ticket nga niabot.
Laing reklamo nga usa ka Twitter user ang gipahibawo nga nakadaog kini og ticket apan wa magdugay gibakwi ra sa Shopee kay matod pa sayop ang notification.
“We are reaching out to all those affected by this issue, and we are also taking steps to ensure that such an incident does not occur again in the future,” tipik sa opisyal statement sa Shopee. (B)