SA MAKAUSA pa, wa na usab makasugakod ang Philippine Azkals sa pangataki sa China human kini mapukan, 0-2, sa ilang international friendly games niadtong Biyernes sa gabii sa Tianhe Stadium sa Guanzghou.
Kadto maoy iaktulong kadaugan sa China batok sa Pilipinas sulod sa tulo ka tuig. Miyukbo ang mga Pinoy booters sa mga Intsik, 3-0, sa AFC Asian Cup sa niaging Enero didto sa Dubai ug gikulata usab kini sa mao gihapong team sa 2017 friendly games nga gipahigayon didto sa China. (JBM)