PORMAL nga gibuksan kagahapon, Hunyo 6, ang ikatulong branch sa TGI Fridays sa Sugbo, authentic American bar and grill sa ikaduhang andana sa Island Central Mactan, Barangay Pusok, Lapu-Lapu City.
Si Kristine dela Cruz, director for operations nga gawas sa local diners usa sa target market sa TGI Fridays mao ang mga foreign tourist ilabi na ang international airport sa Mactan.
Ang maong resto bar maoy ika-26 nila nga kan-anan nga gibuksan lukop nasud.
Gipasigarbo ni dela Cruz nga gawas sa ilang lamian ug dagko nga serving diha sa ilang menu usa sa naghatag og lami sa ilang pagkaon mao ang ilang Jack Daniel’s sauce nga pwede sa baby back ribs, salmon, pork chop o steak.
Iya sab nga gipahibawo ilabi na niadtong nag-budget nga aduna silay gitanyag nga lunch promo nga good for two person sa presyo gikan sa P325 – P325.
“We are launching lunch promo items to break that mindset that TGI Fridays is expensive. That’s from 11:00 am to 3:00 pm Monday to Friday...” pahibawo ni dela Cruz.
Usa sa best seller sa country ribs nga mamahimong mopili og barbeque sauce o sa ilang signature glazed nga adunay side dish nga sweet corn, crispy seasoned fries sa presyo nga P695 alang sa half rack samtang P1,250 full rack, good for two o four person.
Ang maong resto bar bukas gikan sa 11:00 sa buntag ngadto na sa 10:00 sa gabii, Lunes ngadto sa Sabado. Sa Dominggo susama ang opening time apan mosira sa 9:00 sa gabii.
Ang TGI Fridays unang niabli sa Ayala Cebu ug nisunod sa Robinsons Galleria Cebu. (FVQ)