GITUOHANG tungod sa sistimatik ug epektibo nga programa sa Misamis Oriental Care System usa ang probinsya sa Misamis Oriental nga himoung implementation o pilot site sa bag-ong balaod nga gipirmahan niadtong Pebrero 2019 ni Presidente Rodrigo Duterte nga mao ang Universal Health Care Law.
Sa senimanang pagpakayab sa nasudnong bandila sa kapitolyo probinsyal gi-report kini ni Dr. Israel Peralta, Jr., kinsa provincial health officer ug officer-in-charge-COH sa Misamis Oriental Provincial Hospital Initao ug gipahibalo niini ang balita.
Dugang pagpasabot niini nga dako og posibilidad nga tungod sa kalamposan sa programang MisOr Care nga gimugna ni Governor Bambi Emano ang probinsaya gi-identified karon nga parte sa advance implementation site sa maong bag-ong balaodnon.
“The Province of Misamis Oriental is identified as part of the advance implementation site of Universal Health Care. This may have come as a result of our efforts improving our health care services which strengthens by the priority given by our Governor when it comes to the health of our people,” matud ni Dr. Peralta.
Dugang pasabot niini nga makabenipisyo og unom ka tuig sa funding gikan sa national government ang probinsya sa pagkalakip niini.
“The advance implementation site will benefit from 6 years from funding from national government,” pasabot niini.
Ang implementing rules and regulation mogawas karong umaabot bulan sa Hulyo ug sugdan karong umaabot sa bulan sa Agosto ang implementasyon.
“The IRR will come out on July (Hulyo) as advance implementation site or pilot as they call it will start on August,” dugang niini.
Nagpadangat sab kini sa katawhan nga unta suportahan ang bag-ong programa sa gobyerno.
“We humbly ask for your support as we breakthrough in this massive shift in our healthcare delivery system,” matud niini.
Samtang isip pilot site ang probinsya gikinahanglan ang pormal endorsement niini sa Provincial Board kon asa karong panahona gi-signify na ang resolution niini.