GIINGONG dili importante ang pagpangayo og pasaylo ni Konsehal Zaldy Ocon ngadto na sa pamilyang Canoy, kini human nag viral ang video diin makitang gisinggitan ni Ocon ang kanhi mayor sa Dakbayan sa Cagayan de Oro kinsa naka wheelchair.
Nasayran nga pursigido si Rhona Canoy ang anak ni lawyer Reuben Canoy nga magpasaka og kaso batok ni Ocon tungod na usab sa gihimo niini sa iyang amahan ug nibutyag nga dili importante ang pagpangayo niini og pasaylo.
“Dili man iyang apology ang importante, ang importante is what he does after the apology bisan pag di siya mangayog pasaylo kung magpakita siya nga ni arang-arang na siya nga tawo then for me that’s an apology, unya dapat siya mangayo og pasaylo sa siyudad kay kagawad siya,” matud ni Rhona sa pakighinabi sa Sun.Star Superbalita.
Gidugang pa niini nga sobra na ang gihimo ni Ocon kinsa wala kini respeto ni bisan kinsa ug nagpakaulaw kini sa siyudad tungod sa gipanghimo niini isip opisyal sa siyudad ug gani utangan kini sa katawhan sa dakbayan.
“Si Zaldy walay respeto kay bisan kinsa, he is a kagawad he shouldn’t act like that gapakaulaw siya, it will reflect to the city para sa ako nakahibalo na ang city council ingon ana iyang gibuhat wala silay buhaton the same thing happened to RTA,” dugang niini.
Gidugang pa niini nga magduso kini og reklamo sa buhatan mismo sa mayor ug sa konseho sa siyudad ug giingong nanghinaot nga dili na masusama nahitabo kaniadto nga walay aksiyon.
“Mayor did nothing, the city hall did nothing, for me it’s also sadly reflecting of the city nga dili sila ga care kung unsa ang integrity ug respeto sa siyudad,” dugang pa.