MAPASIGARBUON si San Miguel Beermen guard Von Pessumal nga nakabuak siya og rekord sa three-point shooting sa Philippine Basketball Association (PBA) Commissioner’s Cup niadtong Dominggo sa Ynares Center sa Antipolo City.
Ang nakaapan lang kay nasugamak sa laing kapildihan ang Beermen batok sa Talk N’ Text KaTropa, 110-97, nga nagpahagsa sa multi-titled squad, 0-2.
Si Pessumal nakamugna og perpektong walo ka three-point shot. Sa kasaysayan sa PBA, unom ka mga magduduwa ang nakapasulod og perpektong unom ka three-point shots diin ang katapusang nakabuhat niini mao si Mike Tolomia niadtong 2017. (ESL)