SECTIONS
Wednesday, July 17, 2019
SUPERBALITA DAVAO

NBI, CIDG nikaransa na

TAGUM CITY. Ang evangelist sa Kapa-Community International Inc. kon Kapa nga si Robert Melendez ang miatubang sa mga sakop sa otoridad nga mi-raid sa Kapa Office sa Tagum City. (Superbalita Davao)

DILI lang buhatan sa Kapa-Community Ministry International Inc. kon Kapa, ang rondahon ug temporaryo nga ipasira sa otoridad apan giingong lakip na ang daghan karong nanggawas nga money investment schemes sa rehiyon.

Adlaw’ng Lunes, Hunyo 10, gisilbi sa mga personahe sa National Bureau of Investigation (NBI) ug Criminal Investigation and Detection Group (CIDG) ang search warrant batok Kapa didto sa Pioneer Street, Tagum City nga gipakanaug sa Regional Trial Court-NCR.

Walay tawo ang buhatan sa Kapa, apan usa ka evangelist nga si Robert Melendez ang mipatim-aw kinsa midawat sa search warrant.

“Naa ta’y religious prayer meeting sa GenSan ug Luzon, maong walay tawo karon (kagahapon), diri sa Kapa Tagum,” ingon ni Robert Melendez, kinsa nagpasabot sa media sa ilang bahin paunsa sila anaa sa maong dapit.

Sa bahin ni Juhary Guro, NBI special investigator, ug team leader sa raiding team sa NBI-national, nga gisilbi lamang nila ang gipagula sa Branch 20 sa Court of Manila.

“Kung ano yung makukuha natin na mga ebidensya dito dadalhin natin yan sa court of Manila,” ingon ni Guro.

Ang buhatan sa Kapa sa Tagum dunay mga nagkadaiyang linya sa cashier’s booth, diin ang lane #10 alang sa mga miyembro sa Armed Forces of the Philippines (AFP) ug Philippine National Police (PNP).

Atol sa ronda, nakuha gikan sa maong buhatan ang mga nagkadaiyang identification cards (IDs) sa mga miyembro niini.

Sa post sa SuperBalita FB page, gikomento sa netizens nga angay sutaon sa han-ay sa kapulisan ug kasundalohan kung kinsa sa ilang mga kauban ang miapil niini nga scheme.

Giingon sa NBI nga gawas sa Kapa, duna pa sila’y rondahon sa mosunod nga mga adlaw subay sa search warrant nga ilang nadawat.

Walay gibutyag ang NBI-national kung unsa pa ang mga temporaryo nga ipasira ug rondahon ning mosunod nga mga adlaw.

Ang NBI nagbutyag nga dili lamang sa Davao Region nanggawas ang mga investment schemes apan daghan sab kini sa Nueva Viscaya, mga dapit sa Region 7 (Central Visayas), sama sa Cebu City, naa sab sa Tacloban, apan ang pinakadaghan mao ang Tagum ug GenSan.

“As of today [Hunyo 11, 2019] only Kapa ang may search warrant tayo,” dugang ni Guro.

Kahinumdoman nga nag-ugat ang mga pagronda subay sa mando ni Pangulong Rodrigo Duterte.

Nabutang sab sa alanganin ang sitwasyon sa ubang money investment schemes sa rehiyon sanglit dako suma pa ang posibilidad nga temporaryo sab silang masirad-an, labi na kadtong kulang sa papeles alang sa legalidad.

Sa takna sa maong pag-ronda, dungan sab nga gironda sa otoridad ang Alamcco office sa General Santos City.

Dungan sab niini, gisulod sa NBI-national ang balay sa Kapa founder Pastor Joel Apolinario didto sa GenSan. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph