MIPOSTE og rekord si Rafael Nadal dihang nasakmit niya ang iyang ika-12 nga French Open title pinaagi sa pagpukan ni Austrian fourth seed Dominic Thiem, 6-3 5-7 6-1 6-1, sa ilang finals rematch kagahapon sa Paris.
Si Nadal, kinsa aduna na’y 18 ka major titles, mibuak sa kanhi rekord ni Margaret Court nga 11 ka Australian Open titles.
Grabe ang himapakay sa 1st set una nakuha ni Nadal ang kadaugan. Sa 2nd set, nakabawos si Thiem.
Apan sa 3rd set, nagbangis na si Nadal ug iyang gidominar si Thiem. Nahuman kining maong set sulod lang sa tunga sa oras.
Nagpadayon ang kabangis sa 33 anyos nga si Nadal sa 4th set aron hingpit nga angkunon ang kalampusan. (Reuters, ESL)